Smælki




Heimasíða
SKRIFT

Hreyfingar
AÐFERÐIR
   Lágstafir
   a-fjölskylda
   b-fjölskylda
   o-fjölskylda
   x-fjölskylda
   l-fjölskylda
   Hástafir
   A-hópur
   E-hópur
   O-hópur
   Tölur
   Smælki
Aðstæður
Viðgerðir

Orðalisti


Best er að hafa brodda nokkurn veginn yfir miðjum stöfum.




Hallinn á þeim ræðst af eðlilegri sveifluhreyfingu hægri handar.






Ef broddar eru of neðarlega geta stafirnir orðið lágkúrulegir. Það sýnir dæmið hægra megin. Ekkert er því til fyrirstöðu að broddur sé hærri en yfirlínan.






Sama gildir um tvídepla og brodda. Þeir eiga að vera nokkurn veginn yfir miðjum staf og í hæfilegri hæð. Tvídepillinn yfir stafnum O lengst til hægri er of neðarlega og allt of gleiður þar að auki.



Uppnefni
Sum leturorð hafa skolast til. Broddar eru oft kallaðir kommur og talað er um kommu, punkt og tvípunkt yfir staf. Það er ekki gott.


Broddur, depill og tvídepill eru hljóðtákn.

Komma, punktur og tvípunktur eru greinarmerki.



Ruglingur á orðunum broddur og komma getur valdið misskilningi.



Ömurlegt


Rétt


Á Íslandi notar sumt fólk sem ekki veit betur kommur í staðinn fyrir brodda. Þær spilla skiltum og bókarkápum, auglýsingum og legsteinum.



Milli hefða
Flestar venjur um leturnotkun fengu Íslendingar frá Dönum sem lærðu þær af Þjóðverjum. Við setjum gæsalappir eins upp og þeir. (Nokkrar enskir hefðir eru líka orðnar rótgrónir. Orð á kili íslenskra bóka snúa til dæmis eins og á enskum.)



Enskar gæsalappir: 66-99.


Íslenskar gæsalappir: 99-66.


Gæsalappir (sem líka eru kallaðar tilvitnunarmerki) eru svipaðar í laginu og tölurnar 6 og 9. Sumir muna betur hvernig þær snúa með því að kalla uppsetninguna 99 66. Í íslenskum text eru þær fyrri á grunnlínunni en þær seinni á lofti.




Þjóðverjar notuðu lengi gæsalappir sem minntu á lappir á gæsum. Þaðan er nafnið komið.