Tilbúningur á stafnum ð



Heimasíða
LETURHÖNNUN

Þ og ð
Þornasmíði
Smíði á Ð
Smíði á ð
Ð-ógöngur





Efniviður
Vel heppnað ð verður ekki hrist fram úr ermi. Við skulum byrja á stafnum o og setja á hann boglínu hægra megin. Til hliðsjónar getur svigi verið gagnlegur, eða talan níu á haus. Ekki er alltaf byggjandi á þeim; skárra þó en ekki neitt.




Halli á yfirlegg
Vel gerð boglína þarf að halda spennu frá efstu brún niður á grunnlínu. Yfirlegginn má draga í odd; þverskorinn er hann þó betri. Of mikill halli til vinstri er tíður ágalli. Meðal þessara afbrigða er áhættulaust að velja miðstafinn.




Halli á þverstriki
Mest er snúið að koma saman yfirleggnum og þverstrikinu svo vel fari. Hvítu gagnformin fjögur þurfa ekki að vera jafnstór, en verða að vera í jafnvægi. Þverstrikið á að vera hornrétt á legginn eða nær láréttu. Best líst mér á stafinn í miðjunni.




Hæð á þverstriki
Þverstrikið fer best á yfirleggnum miðjum. Oft er betra að setja það heldur neðarlega en of hátt. Best líst mér á stafinn í miðjunni.




Lengd á þverstriki
Oftast eru báðir hlutar þverstriksins jafnlangir. Þessu fylgja reyndar mörg frávik sem ekki verður að fundið. Enn líst mér best á stafinn í miðjunni.




Feitletrun
Sérstök vandmál fylgja feitu fyrirsagnaletri með mikla x-hæð. Stundum er varla pláss fyrir yfirlegg og þverstrik. Eitthvað má rýmka með því að minnka belginn. (Meira má spara, ef um annað þrýtur, með að fella niður þverstrik vinstra megin.)